مشروع التخرج ..زر الإقلاع من الحياة الجامعية إلى الحياة العملية

السلام عليكم ورحمة الله وبركاته ..

دلوقتي يا شباب اغلبكم بيسأل عن مشاريع التخرج والأفكار وعن إزاي يبدأ مشروع التخرج بتاعه وإزاي يكون تيم ...أسئلة كتيرة وهحاول هنا أشاركم ببعض النقاط اللي أنا شايفاها مفيدة في الموضوع ده ...

1- ما تدخلش تيم عشان إنتوا أصدقاء ...لأن بنسبة كبيرة بتحصل مشاكل كتير خلال ضغط الشغل وساعات فعلا بتخسروا بعض . فلما تدخل تيم لازم تكون عارف ايه الإضافة اللي حضرتك هتضيفها للجروب ده من خلال مهاراتك وطريقة تفكيرك مش تكون عالة عليهم .

2- مشروع التخرج غالبا هوة زر الإقلاع من مرحلة الحياة الجامعية إلى مرحلة الحياة العملية ..غالبا أكتر حاجة هتتسأل عليها في أي مقابلة أو منحة أو في أي وظيفة وبالتالي إبذل قصار جهدك إنه يكون أفضل مرآة ليك بعد التخرج .

3- إعتبر مشروع التخرج وفريقك هو أول بداية حقيقة لفكرة شركة ناشئة صغيرة  ..وكم من شركات كبرى في صناعة التكنولوجيا العالمية بدأت بأفكار مشاريع تخرج صغيرة ثم نمت إلى أن أصبحت شركات رائدة في مجال تكنولوجيا المعلومات وصناعة البرمجيات ..

4-حاول تتعلم مبادئ العمل الجماعي وتنظيم الوقت وحل الخلافات وتنظيم العمل في ظل قيود وضغوطات أخرى قد تؤثر سلبا على الفريق.لو قدرت إنك تحقق الموازنة دي وفي ظل وجود مواد أكاديمية أخرى مع مشروع التخرج وتطلع بمشروع تخرج ناجح ومحترم وفريق متعاون فأنا أؤكد لك أنك قادر على الإنضمام لأي شركة بعد الحياة الأكاديمية ..
5- خلي هدفك إنك تعمل مشروع تخرج غير تقليدي بمعنى إنه يحاول يحل مشكلة تقليدية في المجتمع ولكن بأسلوب يعتمد على الإبداع والإبتكار في التفكير ومش شرط يكون بأسلوب معقد في التفكير أوإستخدام خوارزميات معقدة  ..بل من الممكن أن يكون الحل تحت أقدامنا ولكننا نتطلع فقط للسماء ..
6- لا تعيد صناعة العجلة ..كم من مشاريع تخرج إبتدت من نفس النقطة وإنتهت عند نفس النقطة ..لماذا لا تذهب إلى المكتبة تلقي نظرة على أفكار مشاريع التخرج السابقة وتحاول التواصل مع أفرادها معرفة آخر ما توصلوا إليه ومن ثم تبدأ من حيث إنتهى الآخرون
7- حضور مناقشات مشاريع التخرج لجميع الأقسام في الكلية وكلية الهندسة للتعرف على نمط المشاريع  المشاركة ولأخذ خبرة عامة عن التجربة ككل ومعرفة الأفكار المطروحة وطريقة المناقشة وربما تساعدك في إيجاد أفكار إسثنائية بديلة لحل مشاكلهم .

8- مشروع التخرج الفرصة الأكاديمية الحقيقية الوحيدة لكي تتعلم ولكن بإختيارك أنت  وليس بما يضعه الآخرون لك فإغتنم هذه الفرصة ..لست مجبر على مشروع معين ..أنت وفريقك وحدكم من تقررون الفكرة ..بمساندة المشرف ..
9- أغلب مشاريع التخرج تخفق إخفاقا شنيعا في عمل

Project Proposal, Project Documentation (System Documentation, Code Documentation & User Manual), Project Presentation

رغم أنها الأساسيات والمبادئ  التي تمت مناقشتها بإستفاضة في مادة هندسة البرمجيات  أكثر من مرة  ولكن دائما ننتهي عند نفس الأسئلة ؟ البربوزل هيكون فيه ايه ؟ طب توثيق المشروع هنعمله إزاي ؟ طب لما نيجي نعرض مشروعنا قدام اللجنة هنتكلم عنه إزاي ؟

10 - في رأيي المتواضع  لازم  يكون قدامك هدف إنك تدخل مسابقة بمشروع التخرج بتاعك وإنك تدور على المسابقات المتاحة في كل سنة لمشاريع التخرج زي مسابقة كأس التخيل ومسابقات الشركات الناشئة ومسابقات شركة إنتل أو أي مسابقات تانية تقدر تسأل عنها يا في الكلية أو الجامعة أو على مستوى الجامعات المصرية أو على مستوى العالم ..في رأيي حتى لو يكفيك شرف المحاولة فإنته بتتعلم ولازم يكون طموحك دولي ومحلي وعالمي ومش صعب  على فكرة وحتى الطلبات اللي بتنطلب في الأول هتعلمك إزاي تعرض فكرتك بأسلوب شيق وإزاي تبيع فكرتك للمستهلك وإزاي تفكر بشكل مختلف ..بس أول خطوة  هية اللي هتكون صعبة والباقي إن شاء الله هيكون سهل وتذكر دائما طريق الألف ميل يبدأ بخطوة ..
11- حاول أن تحصل على دعم لمشروعك من خلال الشركات والهيئات الحكومية والخاصة الداعمة لمشاريع التخرج ..مش صعب على فكرة وهتتعلم إزاي تكتب Project Grant Proposal   وهتفرق لما تيجي تتكلم عن مشروعك وتقول انه حاصل على دعم من شركة كذا وشركة كذا ..
12- بلاش الأحلام الخيالية وفكرة أنا عايز أعمل مشروع ما إتعملش قبل كده ... شوف الوقت اللي قدامك ..شوف إمكانياتك وإمكانيات فريقك ...إعمل دراسة جدوى مبسطة .. إبدأ بفكرة بسيطة وسهلة وكبرها بدل ما تبدأ بفكرة كبيرة وتصغرها ...
13-
 Believe in yourself, love what you are doing, and only compare yourself to you